«Borisovskije novosti» viartajucca ŭ dziaržaŭnyja sietki raspaŭsiudu
Hałoŭny redaktar «Borisovskich novostiej» Anatol Bukas paviedamiŭ, što z 1 krasavika hazieta budzie pradavacca praź sietku šapikaŭ RUP «Biełsajuzdruk» i ŭ adździaleńniach RUP «Biełpošta».
Adpaviednyja damovy ŭžo zaklučanyja, - raspavioŭ Anatol Bukas pres-słužbie BAŽ.
U padpisnych katałohach «Biełpošty» niedziaržaŭnaje vydańnie «Borisovskije novosti» źjavicca ŭ druhoj pałovie biahučaha hodu.
Nahadajem, u lutym redaktar «Narodnaj Voli» Iosif Siaredzič sustrakaŭsia z Alaksandram Łukašenkam. Jon pieradaŭ kiraŭniku dziaržavy śpis dzieviaci vydańniaŭ, jakija nie mohuć trapić u tuju ci inšuju dziaržaŭnuju sietku raspaŭsiudu. Heta «Borisovskije novosti», «Volnaje Hłybokaje», «Hazieta Słonimskaja», «Hancavicki čas», «Intex-press», «Novy čas», «SNplus. Svobodnyje novosti plus», «Rehijanalnaja hazieta», «ARCHE. Pačatak». Łukašenka abiacaŭ vyrašyć prablemy z raspaŭsiudam niedziaržaŭnych ŚMI.
Zhadanyja vydańni napisali listy ŭ «Biełpoštu» i «Biełsajuzdruk», niekatoryja ŭžo atrymali adkazy. Ale pakul nie było nivodnaha stanoŭčaha rašeńnia.