Ministr Šunievič uznaharodziŭ Jarmolenku, Jałfimava i «Tiani-Tołkaj» FOTA
Jak paviedamlaje aficyjny sajt MUS, šerah dziejačaŭ kultury i mastactva byli ŭznaharodžany na admysłovaj cyrymonii za padrychtoŭku mierapryjemstvaŭ, pryśviečanych 100-hodździu biełaruskaj milicyi.
Jubilejny medal «100 hod milicyi Biełarusi» atrymaŭ Anatol Jarmolenka. Narodny artyst Biełarusi adznačyŭ, što dla jaho medal ad ministra Šunieviča «ŭsprymajecca pa-asablivamu».
Śpievaku Piatru Jałfimavu była abvieščanaja «Udziačnaść Ministra ŭnutranych spravaŭ». Kalektyŭnaja ŭznaharoda taksama była ŭručanaja hurtu «Tiani-Tołkaj», jaje atrymaŭ adzin z udzielnikaŭ kalektyvu Pavał Tarajmovič. Salist adznačyŭ, što jany častyja hości na akcyjach, jakija pravodzić milicejskaje viedamstva.