Kiraŭnika kłuba «Patryjot» z Babrujska dapytvali ŭsiu noč i adpuścili
Kiraŭnika babrujskaha vajskova-spartyŭnaha kłuba «Patryjot» Mikałaja Michalkova dapytvali ŭsiu noč i zranku adpuścili. Pra heta ŭ fejsbuku paviedamiŭ zasnavalnik «Biełaha lohijona» Siarhiej Čysłaŭ.
«Mikołu adpuścili. Z 19.07 učora — da ranicy siońnia dopyty, vobšuki — dom, lecišča, haraž — adpuścili. Ale nie fakt, što nie buduć sprabavać pa inšych artykułach», — napisaŭ Čysłaŭ.
23 sakavika Mikałaja Michalkova vyklikali ŭ babrujskaje KDB. Jaho syna Jana, vajskoŭca, zatrymali pa spravie ab padrychtoŭcy asobaŭ da ŭdziełu ŭ «masavych biesparadkach».