Łukašenka: Ludzi pavinny sami šukać pracu, ale dziaržava pavinna dapamahčy ŭ hetym
Ludzi pavinny sami šukać pracu, ale dziaržavie nieabchodna dapamahčy im. Ab hetym Alaksandr Łukašenka zajaviŭ siońnia ŭ čas rabočaj pajezdki ŭ Hrodzienskuju vobłaść
Kiraŭnik dziaržavy kankretyzavaŭ svajo daručeńnie razabracca da maja z pracaŭładkavańniem biespracoŭnych hramadzian. «Kali ja kazaŭ, što na 1 maja treba, kab usie pracavali, ja mieŭ na ŭvazie, što vy pavinny im prapanavać pracu», — rastłumačyŭ jon. Naprykład, ciapier pryjšoŭ čas viasnovych palavych rabot, značyć, možna sfarmavać bryhady, jakija b pracavali ŭ sielhaspradpryjemstvach. Pry hetym treba stvaryć usie nieabchodnyja ŭmovy dla pravilnaj arhanizacyi pracy.
Razam z tym, padkreśliŭ kiraŭnik krainy, nieabchodna praciahnuć stvareńnie novych pracoŭnych miescaŭ na dziejučych i novych pradpryjemstvach, pry nieabchodnaści navučać ludziej novym śpiecyjalnaściam. «Čałaviek nie pavinien u adzinočku šukać hetuju pracu, choć, viadoma, heta jaho sprava. Ale situacyja, kali my taksama nie dapracoŭvali ŭ płanie zaniataści ludziej, naściarožvaje, i z hetaha treba rabić vysnovy. Tamu ja i skazaŭ, što na 1 maja ŭ asnoŭnym treba ludziej zadziejničać, - adznačyŭ Alaksandr Łukašenka. - My pavinny dapamahčy ludziam znajści pracu. Tamu voś tak treba razumieć: prapanavać čałavieku pracavać, zadziejničać jaho ŭsiudy».
Kiraŭnik dziaržavy rastłumačyŭ i patrabavańnie nie zvalniać ludziej biez uzhadnieńnia ź miascovymi orhanami ŭłady: «Nielha vykidać ludziej dziela pavieličeńnia zarabotnaj płaty. Kudy hety čałaviek pojdzie? Treba ž vyznačycca». Heta značyć, kali na pradpryjemstvie skaračajuć niekalki čałaviek, kiraŭniki vytvorčaści razam z orhanami ŭłady pavinny vyrašyć, kudy ich pracaŭładkavać.
Alaksandr Łukašenka taksama pacikaviŭsia uzroŭniem zarabotnaj płaty ŭ Hrodzienskaj vobłaści i jašče raz nahadaŭ ab svaim daručeńni vyjści na siaredni ŭzrovień apłaty pracy pa krainie ŭ ekvivalencie $ 500. «Kali Hrodna nie atrymaje, što tady z Mahilova patrabavać? Nam treba ludziam dać hetu zarpłatu, kab jana pa krainie była siaredniaja. Heta žalezabietonna treba zrabić», — zajaviŭ jon.