Ułady pakazali svabodu schodu: u Minsku zatrymana pad tysiaču pratestoŭcaŭ USIE NAVINY ANŁAJN
abnaŭlałasia anłajn
Fota Siarhieja Hudzilina.
Sotni, a moža być i tysiačy ludziej zatrymanyja ŭ Minsku. Zatrymańni byli pastaŭlenyja na kanviejer. Chapun adbyvaŭsia z usich bakoŭ na podstupach da Akademii navuk, u rajonie płoščy Jakuba Kołasa, vulicy Kazłova, na praśpiekcie Mašerava, u rajonach vulic Surhanava, Kuźmy Čornaha, płoščy Kalinina.
Ludziam nie davali sabracca, ciahnuli kožnaha, chto mieŭ płakat ci ściah.
Fota Siarhieja Hudzilina.
Tym nie mienš, niekalki tysiač čałaviek skancentravalisia ŭ rajonie płoščy Jakuba Kołasa. Jany rušyli ŭ bok centra.
Fota Hanny Klimovič.
Ludziej atačyli i chapali tam.
Pratestoŭcy nie akazvali supraciŭleńnia. Jany pratestavali prosta samim faktam vychadu na vulicu.
Pakul ciažka acanić ahulnuju kolkaść zatrymanych. Ale havorka idzie pra sotni ludziej.
Karespandenty «Našaj Nivy» stali śviedkami zatrymańniaŭ nie mienš za 150 čałaviek u rajonie zavoda «Biełvar», 50 čałaviek — kala «Elektrasiły», jašče 50 — kala kramy «Kryštal» na praśpiekcie Mašerava.
Fota Siarhieja Hudzilina.
Na razhon mirnaj demanstracyi, dakładniej, na toje, kab jana nie adbyłasia byli skiravanyja tysiačy supracoŭnikaŭ pravaachoŭnych orhanaŭ, sotni adzinak techniki.
Fota Siarhieja Hudzilina.
Fota Iryny Arachoŭskaj.
Zatrymanyja za videazdymku zatrymańniaŭ u adnym z dvaroŭ na vulicy Kuźmy Čornaha karespandenty «Našaj Nivy» paviedamlajuć, što ŭ adnym Zavodskim RUUS jany bačyli prykładna sotniu zatrymanych. Im udałosia źniać niekalki kadraŭ: žychary Minska vystrajenyja ŭ šerahi kala mura.
RUUSaŭ u Minsku 8, častku zatrymanych taksama adrazu zavozić u izalatary na Akreścina i ŭ Žodzina.
Fota Iryny Arachoŭskaj.
Što siońnia ŭražvała, dyk heta ŭpartaść manifiestantaŭ. navat kali stała jasna, što heta žorstki chapun, tysiačy ludziej zastavalisia na vulicach.
Fota Iryny Arachoŭskaj.
U toj ža dzień sotni ludziej vyjšli na Dzień Voli ŭ Breście, Hrodnie, Homieli.
Dzień Voli ŭ Breście. Fota Uładzia Šviadoviča.
Dzień Voli ŭ Homieli. Fota Aleny Hiermanovič.
Heta strym radyjo Svaboda:
Žyvaja videatranślacyja padziej. Jana tut:
A heta strym radyjo Svaboda:
* * *
Fota Siarhieja Hudzilina.
Padziei Dnia Voli — 2017 adsočvajcie praz NN. Našy karespandenty buduć siońnia ŭ huščy padziej.
Žyvie Biełaruś!
25 sakavika 1918 hoda Rada Biełaruskaj Narodnaj Respubliki abviaściła niezaležnaść našaj dziaržavy. Upieršyniu ŭ najnoŭšaj historyi pradstaŭničy orhan dekłaravaŭ prava biełarusaŭ być haspadarami na svajoj ziamli.
Z časam dzień 25 sakavika staŭ śviatkavacca jak Dzień Voli. Pačynajučy z 1980-ch u stalicy i inšych haradach prachodziać tradycyjnyja šeści. Časam jany byli šmatludnyja, źbirali dziasiatki tysiač ludziej i navat mianiali šlachi historyi, jak u 1996 hodzie.