Dziaŭčyna biez trusoŭ abkradała barysaŭski ŭnivermah
Dziaŭčyna prychodziła ŭ kramu biaz spodniaj bializny, a vychodziła ŭžo ŭ novaj, pryčym u dvuch stanikach adrazu.
Dziaŭčyna prychodziła ŭ kramu biaz spodniaj bializny, a vychodziła ŭžo ŭ novaj, pryčym u dvuch stanikach adrazu, raskazaŭ karespandentu «Barysava Elektronnaha» supracoŭnik adździełu achovy ŭnivermahu «Viesta».
Barysaŭskaje RUUS usčało kryminalnuju spravu pa fakcie zhuby ciaham tydnia z 16 da 23 lipienia z adździełu žanočaha adzieńnia ŭnivermahu «Viesta» tavaraŭ na sumu amal piać miljonaŭ rubloŭ.
Padazreńni ŭ kradziažach pali na 19‑hadovuju žycharku Łošnicy. Pradaŭcy adździełu zatrymali jaje 23 lipienia na vychadzie z adździełu, kali jana sprabavała vynieści dźvie błuzki j spodniuju bializnu.
Pavodle słoŭ supracoŭnika słužby achovy, pradaŭcy ŭžo prykmiecili «stałuju pakupnicu». 23 lipienia jana pryjšła ŭ kramu ŭ takoj samaj kurtcy, jakaja prapała z adździełu niekalki dzion tamu. Pradaŭcy adsočvali «pakupnicu» j hetym razam zaśpieli jaje na haračym.