Stryžak: Užo sabrali bolš za 20 tysiač dalaraŭ, ale adnych štrafaŭ — na 35 tysiač
Hrošy z usiaho śvietu pieraličvajuć nieabyjakavyja ludzi, kab dapamahčy biełarusam, jakija byli pakaranyja za akcyi pratestu, i ich siemjam. Na siońnia na rachunak kampanii salidarnaści BY_help pieraličana bolš za 20 tysiač dołaraŭ. Pra heta Jeŭraradyjo raskazaŭ adzin z kaardynataraŭ kampanii Andrej Stryžak.
«U pieršuju čarhu, my ciapier zajmajemsia pakryćciom pilnych patreb tych siemjaŭ, jakija trapili ŭ składanuju situacyju ŭ suviazi z raspačataj kryminalnaj spravaj pa tych biesparadkach, jakija ŭłada nibyta praduchiliła. Što da taho, jak my budziem dapamahać tym ludziam, jakija trapili na sutki albo atrymali štrafy - ja zaklikaju ŭsich pisać u asabistyja paviedamleńni staronki BY_help, i tam ludziam daduć usie instrukcyi nakont taho, jak atrymać hetuju dapamohu. Pytańnie tolki ŭ tym, što ciapier sabrana bolš za 20 tysiač dołaraŭ, ale adnych tolki štrafaŭ za hety čas było vypisana na 35 tysiač. I pakul my nie pakryvajem usiu sumu hetymi zborami».
Pa słovach Stryžaka, kaardynatary kampanii salidarnaści BY_help ščylna supracoŭničajuć ź biełaruskimi pravaabaroncami. I sumiesna prymajuć rašeńni na padstavie sabranaj pravaabaroncami infarmacyi, kamu najpierš nieabchodna dapamahčy.
Kab praduchilić lubyja abvinavačvańni, kaža Andrej Stryžak, kaardynatary kampanii pastajanna dajuć spravazdačy: i kolki hrošaj sabrana i kolki było vydatkavana na dapamohu.