Što i jak možna pieradavać u turmy — padrabiaznaja instrukcyja
Praviły pieradač u izalatary dla administracyjna pakaranych i ŭ śledčyja izalatary adroźnivajucca. «Naša Niva» pry dapamozie pravaabaroncaŭ-viasnoŭcaŭ, a taksama advakata Źmitra Lepretara i aktyvista Vadzima Žaromskaha skłała padrabiaznuju instrukcyju, jakuju dapamohu možna akazać zatrymanym.
Jość try miescy, kudy adpraŭlajuć administracyjna aryštavanych:
Centr izalacyi pravaparušalnikaŭ (CIP) — Minsk, 1-y zavułak Akreścina, 36.
Pryjom pieradač u CIP: štodnia z 10:00 da 13:00.
Tam ža znachodzicca i izalatar časovaha ŭtrymańnia (IČU) — Minsk, 1-y zavułak Akreścina, 36a;
Pryjom pieradač na IČU: z 11:00 da 13:00.
Centr izalacyi Minskaha RUUS (h. Minsk, vuł F.Skaryny, 20);
Pryjom pieradač z 10:00 da 17:00 (abied z 13:00 da 14:00).
Žodzinski HAUS (Žodzina, vuł Suchahradskaja, 1).
Pryjem pieradač u Žodzinski HAUS: aŭtorak i čaćvier (abied z 13:00 da 14:00)
Vałanciory ź pieradačaj kala CIP na Akreścina. Fota Iryny Arachoŭskaj.
Chto moža pieradavać?
Dla taho, kab zrabić pieradaču ŭ CIP (IČU), vam spatrebicca pašpart.
Zrabić pieradaču moža tolki blizki svajak (maci, baćka, siastra, brat, muž, žonka). Pravaabaroncy adznačajuć, što časam prymajuć pieradaču ŭ tych, u kaho supadaje imia pa baćku.
Inšy varyjant — kali advakat voźmie ad zatrymanaha zajavu, što pieradačy jamu budzie pieradavać inšy čałaviek, bo svajaki daloka.
Što možna pieradavać?
Pieradačy prymajuć raz na dzień vahoj nie bolš za 5 kiłahram.
Pieradavać možna srodki asabistaj hihijeny i ježu (praŭda, jość abmiežavańni). Taksama možna pieradavać knihi (nie bolš za piać asobnikaŭ), časopisy, stryžni, ałoŭki i rasfarboŭki:
Ježa:
- chlebabułačnyja vyraby: chleb žytni, pšaničny, vypiečka biez napaŭnialnikaŭ, suchary, suški, pierniki, piečyva, vafli, kieksy (u polietylenavaj upakoŭcy)
- kandytarskija vyraby: cukierki biez ałkaholnaj načynki, šakaład, marmieład, kazinaki, šarbiet, ziefir, paściła, chałva i inšyja (rasfasavanyja pa polietylenavych pakietach).
- miasnyja vyraby: syravendžanyja i syravialenyja kaŭbasy, sała salonaje i vendžanaje;
- suchafrukty (biez kostak): arechi pačyščanyja, kuraha, inžyr, banany, čarnaśliŭ (rasfasavany ŭ polietylenavych pakietach);
- vada, napoi, soki kansiervavanyja (akramia chatniaj zarychtoŭki) u prazrystaj płastykavaj tary.
- šakaład pierakładajecca ŭ prazrysty pakunak.
Rečy:
- tualetnaja papiera
- zubnaja pasta
- zubnaja ščotka
- myła (u tym liku i dziohcievaje ad vošaŭ)
- maleńki ručnik
- vilhotnyja survetki
- hiel dla duša, šampuń (u tym liku i dziohcievy ad vošaŭ)
- papiarovyja survetki
- hihijeničnyja prakładki
- škarpetki, trusy
- adzieńnie i abutak pa siezonie (tolki ŭsio pavinna być biez matuzkoŭ)
- cyharety i zapałki pieriesypajucca ŭ prazrysty pakunak.
Žodzinski HAUS:
VAŽNA!
PRAVIŁY MOHUĆ MIANIACCA Ŭ ZALEŽNAŚCI AD ŹMIENY VARTY DY ŬNUTRANYCH ZAHADAŬ. Naprykład, apošnim časam vałanciory zaŭvažyli, što CIP prymaje nie bolš za 30 pieradač na dzień. Apošnim časam u Žodzina prymajuć jabłyki dy śviežavyžytyja soki. Prymajuć čaj dy harbatu, pa patrabavańniu vydajuć kipień.
A pisać listy možna?
Ciapier administracyjna zatrymanyja mohuć atrymlivać listy i paštoŭki dy telehramy. Tamu pišycie, im budzie pryjemna. Ale nie zabyvajcie, što ŭsie listy i paštoŭki pieračytaje cenzar.
Vielmi mocna ciśnie na psichiku adsutnaść infarmacyi pra toje, što adbyvajecca na voli. Zatrymany moža dasłać adkaz, tamu nie zabudźciesia ŭkłaści dadatkovy kanviert z markaj i čystyja listy.
Zatrymanym, jakija znachodziacca ŭ Žodzinie, treba pisać voś na hety adras:
222160, Minskaja vobłaść, h. Žodzina, vuł Savieckaja 22a.
Što nie prymuć?
- Pradukty, jakija patrabujuć termičnaj apracoŭki (krupy, miasa, ryba), supy, viermišel, kaša chutkaha pryhatavańnia, kava, kakava, čaj, cukar, sol, chatnija kansiervy;
- Miasnyja i rybnyja kansiervy, sieladziec, miasnyja i rybnyja vyraby ŭ vakuumnaj upakoŭcy;
- Małako, małočnyja i kisłamałočnyja pradukty, syry, śmietankovaje masła i alej, marharyn, kambitłušč;
- Harodnina i zielanina, repčataja cybula, časnyk, redźka, morkva, buraki, sałata, ahurki, pamidory, piatruška, krop i hetak dalej. Taksama frukty — apielsiny, limony, hrejpfruty i hetak dalej;
- Charčovyja pradukty z abmiežavanymi terminami realizacyi (mienš za 72 hadzin), jakija padlahajuć zachoŭvańniu pry nizkich tempieraturach (mieniej za 8 hradusaŭ);
- Chutkapsavalnyja pradukty, datu vyrabu jakich niemahčyma vyznačyć;
- Ałkaholnyja napoi i piva.
Pieralik praduktaŭ moža być abmiežavany pa zahadzie sanitarna-epidemijałahičnaj słužby.
* * *
Zatrymanyja pa kryminalnych złačynstvach mohuć znachodzicca ŭ SIZA-1 Minska pa vuł. Vaładarskaha, 2
Adpraŭlajučy pieradaču siudy, vy možacie karystacca śpisam, padadzienym vyšej. Ale jość niekatoryja akaličnaści, pra jakija vam varta pamiatać.
U SIZA-1 dziejničaje nastupny raskład pryjomu pieradač:
Paniadziełak. Tolki ŭ hety dzień prymajucca leki dla zatrymanych. Dla hetaha ŭnutry pamiaškańnia dla pieradač achvotny zajmaje čarhu i zapisvajecca ŭ joj da patrebnaha akna (ich tam dva). Paśla pieradajucca leki fielčaru i turemnamu doktaru, jaki prymaje rašeńnie, brać leki ci nie. Hrafik pryjomu lepš udakładnić zahadzia na miescy. Lubyja inšyja pieradačy ŭ paniadziełak zabaronienyja.
Z aŭtorka da piatnicy z 9:00 da 18:00 (abied 13:00—14:00), u subotu z 09:00 da 17:00 (abied 13:00—14:00) pieradajucca praduktovyja i rečavyja pieradačy. Dla hetaha zahadzia pavinna być napisana zajava pa ŭzory na imia načalnika SIZA dla pieradačy. U zajavie ŭkazvajecca, što vy žadajecie pieradać i ŭ jakoj kolkaści (naprykład, pamidory — 450 hr, 5 štuk u 1 pakiecie). Dakładnuju kolkaść i vahu varta ŭkazvać, kab paźbiehnuć kradziažu z boku rabotnikaŭ izalatara. Padobnyja vypadki nie adnojčy zhadvalisia źniavolenymi, ale reakcyi na ich nie było. Tamu takich precedentaŭ varta paźbiahać na rańnich etapach. Zajava pieradajecca ŭ akienca kala ŭvachodu, dzie jaje rehistrujuć i addajuć vam. Vy zachodzicie ŭ pamiaškańnie dla pieradač, addajacie zarehistravanuju zajavu ŭ adno z 2 adčynienych akiencaŭ i čakajecie, pakul nazavuć vaša proźvišča.
Prykład zajavy na pieradaču
Absalutna ŭsie pradukty i rečy pavinny być rasfasavany pa cełafanavych asobnych pakietach. Naprykład, vy pieradajacie 5 šakaładak, značyć, varta dastać ich z upakoŭki i pakłaści ŭ adzin cełafanavy pakiet.
Varta paźbiahać navat drabniutkich mietaličnych častak u tym, što vy pieradajacie. Naprykład, krem dla haleńnia treba vybrać toj, u jakim nie budzie aluminijevych častak, bo heta zabaroniena režymam.
Dazvolena pieradavać nieabmiežavanuju kolkaść pieradač, ale nie bolš za 30 kh na miesiac. Pieradavać lepš za ŭsio arechi, sadavinu (cytrusavyja, banany nie prymajuć). Lepš kuplać jabłyki i hrušy, harodninu (pamidory, ahurki), vendžanyja kaŭbasy, syry, piečyva.
Taksama ŭ SIZA možna zrabić hrašovy pieravod, prytym u nieabmiežavanaj kolkaści. Pieravody ažyćciaŭlajucca z 9:00 da 11:00 u akiency rehistracyi zajaŭ na pieradačy. Dla hetaha vy taksama pišacie zajavu, dzie zamiest śpisu praduktaŭ ukazvajecie sumu pieravodu i tam ža pieradajacie patrebnuju kolkaść najaŭnych hrošaj, jakija rehistrujucca i pieravodziacca na rachunak aryštavanaha, pra što jamu adrazu pavinny paviedamić.
Jašče možna padpisvać źniavolenych na haziety i časopisy. Heta robicca vielmi prosta: na pošcie ŭkazvajecca imia i proźvišča aryštavanaha, a taksama adras SIZA i haziety, na jakija vy chočacie jaho padpisać.
Ab paradku pryjomu pieradač u SIZA KDB
SIZA KDB 220030 Minsk, Kamsamolskaja 30
dla pošty — 220050, abanienckaja skrynia 8
Paniadziełak, sierada, piatnica z 10:00 da 12:00
Chto moža pieradavać?
Pry sabie mieć pašpart abo inšy dakumient, jaki paćviardžaje asobu. Treba budzie zapoŭnić zajavu ŭstalavanaj formy ŭ dvuch asobnikach.
Kolki možna pieradavać?
Pieradačy prymajucca dva razy na miesiac vahoj nie bolš za 15 kiłahramaŭ kožnaja.
Nie dapuskajecca abmiežavańnie vahi pieradač dla niepaŭnaletnich, asob, jakija pakutujuć na ciažkija zachvorvańni (pry najaŭnaści zaklučeńnia doktara-śpiecyjalista SIZA), ciažarnych žančyn, a taksama žančyn, jakija majuć pry sabie dziaciej.
Što možna pieradavać?
Rečy:
- Tytuniovyja vyraby, zapałki.
- Adzieńnie ŭ adnym kamplekcie biez pajasnych ramianioŭ, šlejek i halštukaŭ, a taksama hałaŭny ŭbor, abutak pa siezonie (bieź mietaličnych nabojek).
- Spartyŭny kaścium u adnym kamplekcie ci chatni chałat dla žančyn.
- Spodniaja bializna — nie bolš za dva kamplekty.
- Škarpetki.
- Pančochi ci kałhotki (dla žančyn).
- Palčatki abo rukavicy — adnu paru.
- Nasoŭki.
- Tepciki pakajovyja ci spartovyja — adnu paru.
- Tualetnyja prynaležnaści (tualetnaje, haspadarčaje myła, vadkaje myła ci šampuni, zubnaja ščotka, zubnaja pasta, płastmasavyja futarały dla myła i zubnoj ščotki, kremy, rasčoska płastmasavaja), pralny parašok. Tualetnyja prynaležnaści pavinny być: tualetnoje i haspadarčaje myła — zavadskoha vyrabu; zubnaja pasta, kremy — biez parušeńniaŭ cełasnaści zavadskoj upakoŭki; vadkaje myła abo šampuń — u prazrystaj tary; hrebień — z płastyku.
- Lusterka kišennaje (pry adsutnaści lusterka ŭ kamiery), brytvu elektryčnuju abo miechaničnuju, brytvy biaśpiečnyja razavaha karystańnia.
- Rečavy miašok abo sumku.
- Akulary, futarały płastmasavyja dla akularaŭ.
- Chustki, pajasy, biusthaltary, marlu, zakołki (płastmasavyja), vazielin, vatu, hihijeničnyja tampony, kaśmietyčnyja prynaležnaści, bihudzi płastmasavyja (dla žančyn).
- Mylicy draŭlanyja, kijki, pratezy, tanomietry, hlukomietry, artapiedyčnyja pajasy (pry dazvole miedycynskaha rabotnika SIZA).
- Elektryčny kipiacilnik bytavy zavadskoha vyrabu (mahutnaściu nie bolš za 500 Vt).
- Mačałka abo hubka.
- Asadka, stryžni da jaje (siniaha abo čornaha koleru), ałoŭki (fłamastary — dla dziaciej).
- Papieru dla lista, vučnioŭskija sšytki, paštovyja kanvierty, paštoŭki, paštovyja marki.
- Tualetnuju papieru, nabytuju ŭ kramie SIZA.
- Pradmiety relihijnaha kultu dla našeńnia, vyrablenyja z dreva albo płastyka, niekaštoŭnych kamianioŭ.
- Paścielnaja bializna ŭ adnym kamplekcie (dźvie praściny i navałačka), ručnik.
- Mastackaja ci inšaja litaratura, a taksama vydańni pieryjadyčnaha druku — nie bolš za piać najmieńniaŭ.
- Fotazdymki.
- Nastolnyja hulni (šaški, šachmaty, damino, nardy) — adzin kamplekt.
- Lekavyja srodki, pradmiety i vyraby miedycynskaha pryznačeńnia (pry dazvole miedycynskaha rabotnika SIZA).
- Dakumienty i zapisy, jakija adnosiacca da kryminalnaj spravy albo jakija datyčacca pytańniaŭ realizacyi ich pravoŭ i zakonnych intaresaŭ.
- Błanki paštovych adpraŭleńniaŭ, kvitancyi na zdadzienyja na zachoŭvańnie hrošy, kaštoŭnyja rečy, kaštoŭnyja papiery, dakumienty i inšyja pradmiety.
Ježa:
- Chleb i chlebabułačnyja vyraby.
- Kandytarskija vyraby: cukierki, šakaład, marmieład, ziefir, paściła, chałva, piečyva, vafli, pierniki, suchary, suški, abaranki.
- Cukar-rafinad, cukar-piasok, fruktoza.
- Kaŭbasnyja vyraby (syravendžanyja, syravialenyja).
- Syravendžanyja vyraby ź miasa (akramia ptuški).
- Sała salonaje.
- Zielanina.
- Biezałkaholnyja napoi, za vyklučeńniem kvasu (u płastykavaj prazrystaj tary).
- Čypsy, miuśli, zbožžavyja šmatki.
- Alej.
- Syry ćviordyja.
- File ryby salonaj (u vakuumnaj upakoŭcy).
- Harodnina śviežaja.
- Sadavina śviežaja (jabłyki, hrušy, limony).
- Suchafrukty (kuraha, čarnaśliŭ, razynki), arechi (pačyščanyja).
- Čaj, kava, kakava.
- Pradukty charčavańnia, jakija ŭvachodziać u skład pieradačy abo pasyłki, pavinny być spakavanyja biez prykmiet psavańnia, ź niaskončanym terminam prydatnaści.
- Dla asob, jakija ŭtrymlivajucca pad vartaj i prachodziać kurs lačeńnia ŭ śledčym izalatary, pa rekamiendacyi daktaroŭ mohuć prymacca charčovyja pradukty, nie ŭklučanyja ŭ śpis.
- Hrošy ŭ biełaruskich rublach pierasyłajucca paštovym pieravodam na imia aryštavanaha i biez abmiežavańnia sumy.
Što nielha pieradavać?
Pieradavać u pieradačach i pasyłkach litaraturu i padpisnyja vydańni zabaraniajecca, ale asoby, jakija ŭtrymlivajucca pad vartaj, mohuć karystacca mastackaj i inšaj litaraturaj, a taksama vydańniami pieryjadyčnaha druku ź biblijateki SIZA, a taksama nabyvać dla siabie litaraturu praz administracyju SIZA ŭ handlovaj sietcy pa bieznajaŭnym raźliku i padpisvacca na haziety i časopisy.
Padrabiaźniej TUT
Karysnyja spasyłki:
Praviły ŭnutranaha rasparadku miescaŭ adbyćcia administracyjnaha aryštu možna pačytać TUT
Vałanciory źbirajuć pieradačy dla tych, kamu nichto nie pieradaje. Tamu paznačajcie ŭ TABLIČCY, kali i kamu vy pieradali pieradaču, kab spraścić pracu vałancioram.
Kali vy žadajecie dapamahčy biaźvinna aryštavanym albo vam samim treba dapamoha, to HETA spasyłka dla vas.
Inšuju karysnuju infarmacyju albo kansultacyju vy možacie atrymać u «viasnoŭcaŭ».