Biełaruś dahetul nie dała Ukrainie infarmacyi pra «łahiery bajevikoŭ»
Słužba biaśpieki Ŭkrainy dahetul nie atrymała adkazu biełaruskich specsłužbaŭ adnosna zajavy Alaksandra Łukašenki pra nibyta padrychtoŭku bajevikoŭ dla destabilizacyi sytuacyi ŭ Biełarusi ŭ admysłovych lahierach na ŭkrainskaj terytoryi.
«Słužba biaśpieki Ŭkrainy 21 sakavika nakiravała zapyt Kamitetu dziaržaŭnaj biaśpieki Respubliki Biełaruś pra pradastaŭleńnie vierahodna najaŭnaj infarmacyi pra isnavańnie na terytoryi Ŭkrainy zhadanych lahieraŭ. Pavodle stanu na siońnia, zamiežny partner adkazu nia daŭ», — paviedamiła Radyjo Svaboda kiraŭnica ŭpraŭleńnia ŭ pytańniach uzajemadziejańnia sa ŚMI Alena Hitlanskaja.
21 sakavika ŭ časie razmovy ŭ Mahilovie z supracoŭnikami kampanii «Kronaspan» Łukašenka, u pryvatnaści, skazaŭ: «My ŭžo niekalki dziasiatkaŭ zatrymali (nia tych, što ŭ aŭtobusach, anarchistaŭ z maskami), jakija treniravalisia ŭ lahierach z zbrojaj. Darečy, adzin ź lahieraŭ byŭ u rajonie Babrujsku i Asipovičaŭ. Astatnija lahiery — va Ŭkrainie, pa-mojmu, u Litvie ci ŭ Polščy (nia budu śćviardžać, ale niedzie tam)».