Andrej Bandarenka na svabodzie FOTAFAKT
31 sakavika, paśla troch hadoŭ źniavoleńnia, vyjšaŭ na svabodu pravaabaronca Andrej Bandarenka.
«Mianie apraŭdali ŭčora i siońnia vyzvalili z turmy pad palityčnym ciskam, pad ciskam hramadzkaści. Łukašenka vymušany byŭ paviarnucca da Zachadu, pakolki ekanamičnaja sytuacyja ŭ krainie kiepskaja», — skazaŭ Andrej Bandarenka Svabodzie i pajechaŭ damoŭ da svajho baćki Valeryja Bandarenki ŭ Kiraŭski rajon Mahiloŭskaj vobłaści.
Apošnija amal paŭtara hoda jaho ŭtrymlivali ŭ Mahiloŭskaj turmie № 4. Ź inicyjatyvy administracyi papraŭčaj ustanovy Śledčy kamitet raspačaŭ byŭ kryminalnuju spravu suprać Andreja Bandarenki jak złosnaha parušalnika režymu adbyćcia pakarańnia.
Jamu inkryminavali druhuju častku artykułu 411 Kryminalnaha kodeksu. Viaźniu pahražali dadatkovyja dva hady kałonii.
Za dzień da terminu vyzvaleńnia Leninski rajonny sud Mahilova apraŭdaŭ padsudnaha. Sudździa Siarhiej Mazuraŭ nia ŭhledzieŭ u dziejańniach Bandarenki składu złačynstva. Dziaržaŭny abvinavaŭca ž prasiŭ dla Bandarenki hod pazbaŭleńnia voli.