Praciahvajecca palavańnie na «bajevikoŭ» — zatrymany 29-hadovy historyk
Jak stała viadoma «Našaj Nivie», 30 sakavika zatrymany jašče adzin čałaviek u ramkach «spravy bajevikoŭ».
Heta 29-hadovy babrujčanin — maci pakul što suprać razhałošvańnia jahonaha imia ŭ ŚMI.
«Historyk, skončyŭ aśpiranturu. Śfiera navukovych intaresaŭ — VKŁ 14—16 stahodździa. Apošnim časam pracavaŭ u śfiery łahistyki», — apisała nam babrujčanina siabroŭka.
Viadoma taksama, što ŭ kvatery zatrymanaha byŭ vobšuk, padčas jakoha kanfiskavali kamuflažnuju formu i mietałašukalnik.