Jość achviary: u Lvoŭskaj vobłaści aŭtobus ź biełarusami trapiŭ u DTZ
Dva čałavieki zahinuli i jašče 12 atrymali traŭmy roznaj stupieni ciažkaści ŭ DTZ, jakoje adbyłosia ranicaj 31 sakavika na trasie Lvoŭ — Bibrka — Ivana-Frankoŭsk.
Pavodle infarmacyi miascovaj palicyi, kala 06.30 u vioscy Piatničany Žydačaŭskaha rajona sutyknulisia rejsavy aŭtobus Minsk—Bukaviel i Mercedes. Ad udaru aŭtobus vylecieŭ u kiuviet i pierakuliŭsia na bok.
U vyniku DTZ kiroŭca i pasažyr lehkavuški ad atrymanych traŭmaŭ pamierli na miescy zdareńnia. Pa mienšaj miery 12 pasažyraŭ aŭtobusa atrymali traŭmy i byli špitalizavany.
— Adzin z zahinułych — kiroŭca lehkavoha aŭtamabila, ukrainiec. Asoba druhoha zahinułaha zaraz vyśviatlajecca, — raspavioŭ pres-sakratar MZS Biełarusi Dźmitryj Mirončyk. — U aŭtobusie jechali biełarusy. Nam viadoma pra dvanaccać paciarpiełych. Na žal, niekatoryja ź ich atrymali surjoznyja traŭmy i znachodziacca ŭ ciažkim stanie.