U Biełarusi ŭpieršyniu źjavilisia haradskija Wi-Fi-aŭtobusy
Upieršyniu ŭ Biełarusi ŭ haradskim hramadskim transparcie źjaviŭsia biaspłatny internet. Piłotny prajekt realizavany ŭ Homieli, dzie pa haradskich maršrutach puścili aŭtobusy z Wi-Fi-dostupam dla pasažyraŭ. Pra heta raspaviali ŭ kampanii velcom, zabiaśpiečyŭ realizacyju techničnaha rašeńnia.
Na pieršym etapie Wi-Fi źjaviŭsia ŭ 20 aŭtobusach, jakija kursujuć ŭ Homieli pa samym praciałym aŭtobusnym maršrucie №17 «mikrarajon Klankoŭski — Miedharadok». Adnačasova karystacca biaspłatnym internetam zmohuć da 80 pasažyraŭ.
Kab padłučycca da Wi-Fi, pasažyram treba prajści identyfikacyju na śpiecyjalnym partale. Paśla aŭtaryzacyi tam na numar telefona pryjdzie SMS z kodam, jaki treba ŭvieści ŭ paznačany radok na partale.
Piłotny prajekt realizavany AAT «Homielabłaŭtatrans» i kampanijaj velcom. Svaim partnioram dla arhanizacyi Wi-Fi-rašeńni mabilny apieratar vybraŭ Cisco.
U bližejšy čas u Homieli źjaviacca jašče kala 100 Wi-Fi-aŭtobusaŭ.