Z druhoha ofisa «Biełsata» taksama zabrali ŭsiu techniku, zatrymany apieratar Lubiančuk
Zatrymany apieratar Aleś Lubiančuk, belsat.eu
Siońnia prajšli pieratrusy ŭ dvuch ofisach telekanała «Biełsat» u Minsku. Farmalnaja pryčyna vobšukaŭ — «niezakonnaje vykarystańnie tavarnaha znaku».
Spačatku techniku vynieśli z ofisa, raźmieščanaha na praśpiekcie Niezaležnaści, potym vynieśli techniku z ofisa pa vulicy Kastryčnickaj. Zabrali kampjutary, manitory.
«Vidavočna, što asnoŭnaja meta siońniašnich vobšukaŭ — heta paralizacyja našaje pracy z techničnaha boku, jany chočuć uskładnić pracu žurnalistam», — kamientuje Alaksiej Minčonak, aficyjny pradstaŭnik telekanału.