Sud nad Labiedźkam pieraniesieny na 5 krasavika
31 sakavika ŭ sudzie Centralnaha rajona Minska musiŭ adbycca sud nad lidaram Abjadnanaj hramadzianskaj partyi Anatolem Labiedźkam.
Adnak jahonaja prysutnaść ad pačatku była pad pytańniem — razam z kaleham z pravacentrysckaj kaalicyi jon udzielničaje ŭ kanhresie Jeŭrapiejskaj narodnaj partyi na Malcie i viarnucca dadomu mieŭsia tolki siońnia ŭviečary.
Pamočnica staršyni suda Lizavieta Laksa paviedamiła Svabodzie, što praz adsutnaść padazravanaha ŭ administracyjnym parušeńni sprava nie razhladałasia, praces pieraniesieny na 5 krasavika.
Raniej Anatol Labiedźka vykazaŭ dumku, što padstavaj da čarhovaha suda moh stać adzin z rehijanalnych maršaŭ suprać «darmajedskaha» dekreta № 3. 10 sakavika razam ź Vitalom Rymašeŭskim i Jurasiom Hubarevičam jon užo byŭ asudžany na 15 sutak za akcyju ŭ Maładziečnie, Volha Kavalkova z BCHD była pakaranaja 7 sutkami.