U spravie «Biełaha lehijona» — pieršy vyzvaleny ź SIZA KDB
Ź SIZA KDB vyzvalili Siarhieja Barstka, jakoha zatrymali ŭ noč na 22 sakavika i trymali ŭ izalatary KDB. Pavodle žonki Siarhieja Barstka Alaksandry, z muža ŭziali padpisku pra niavyjezd i nievydavańnie, tamu jon nie daje kamientaroŭ žurnalistam.
«Vyhladaje narmalna. Nie źbity. Ale maŭčyć pra toje, što tam było. Vyzvalili jaho ŭčora ŭviečary, pryvieźli dadomu», — skazała žonka eks-zatrymanaha Alaksandra.
Pavodle staršyni rady «Baćkaŭščyny» Niny Šydłoŭskaj, na hety čas vystaŭlenyja abvinavačańni trom z zatrymanych u spravie «Biełaha lehijona». «Ich proźviščy jašče vyśviatlajem», — skazała Nina Šydłoŭskaja.
U KDB źviestki pra vystaŭleńnie abvinavačańniaŭ pravieryć nie ŭdałosia. Telefon pres-słužby pracuje ŭ režymie aŭtaadkaźnika.