Biełarus kuplaŭ u pieciarburhskaha machlara BMW X5, ale zastaŭsia i biez hrošaj, i biez mašyny
Žychar Biełarusi, jaki pryjechaŭ u Pieciarburh dziela biełaha BMW X5, staŭ achviaraj machlara. «Pradaviec» uziaŭ hrošy i źjechaŭ na aŭto, jakoje musiŭ pradać.
Jak paviedamlaje pieciarburhski partał «Fantanka», viečaram 4 krasavika ŭ adździele palicyi Frunzienskaha rajona Sankt-Pieciarburha źviarnuŭsia 36-hadovy žychar Biełarusi, jaki paprasiŭ znajści čałaviek, jaki abiacaŭ, ale tak i nie pradaŭ jamu mašynu. Pa słovach biełarusa, jon źbiraŭsia kupić bieły BMW X5, jaki znajšoŭ pa pryvatnaj abjavie ŭ internecie. Mienavita dziela ździełki jon prylacieŭ u Pieciarburh.
Sustreča z pradaŭcom, jaki nazvaŭsia Iharam, adbyłasia kala doma №17 pa vulicy Basiejnaj. Atrymaŭšy 280 tysiač rasijskich rubloŭ (5 tys. dalaraŭ) i 7,5 tysiačy dalaraŭ, «Ihar» advioz pakupnika na vulicu Sałava, 57 dla afarmleńnia strachoŭki. Užo zajšoŭšy ŭ budynak, mužčyna ŭbačyŭ, jak «Ihar» źjazdžaje na biełym BMV.