Aktyvisty NODa praviali ŭ centry Minska čarhovy pikiet z rasijskimi ściahami FOTY
U adnoj ź internet-supołak «UKantakcie» źjaviłasia videa ź pikieta, jaki praviali 2 krasavika ŭ centry Minska aktyvisty prarasijskaha «Nacyjanalnaha vyzvalenčaha ruchu» («NOD»).
Mierapryjemstva prachodziła ŭ formie śpievaŭ pieśniaŭ pad hitaru, paśla niekatoryja ŭdzielniki razharnuli rasijskija ściahi, byŭ i adzin biełaruski.
Nahodaj dla vychadu na płošču staŭ «Dzień jadnańnia narodaŭ Biełarusi i Rasii». Praŭda, nie ŭsie aktyvisty zdoleli dałučycca da akcyi — dvoje ź ich u dadzieny momant jašče znachodziacca na sutkach».
Admietny łahatyp na videa — hierb BSSR z nadpisam «Antimojdan».
«NOD» — prarasijski ruch, jaki viadomy padtrymkaj bajevikoŭ Danbasa i niepryniaćciem «zachodniaha» ładu žyćcia.
Raniej «nodaŭcy» ŭžo źbiralisia na pikiety ŭ Minsku, za što atrymali štrafy.