Polšča moža adnavić stypiendyjalnuju prahramu imia Kalinoŭskaha
Polšča adnaŭlaje stypiendyjalnuju prahramu imia Kalinoŭskaha. Pra heta ŭ svaim «Facebook'u» paviedamiŭ deputat Robiert Tyškievič.
Polski deputat źviarnuŭsia z adpaviednaj prapanovaju ŭ ministerstva adukacyi. Ministerstva pahadziłasia adnavić prahramu. «Pryjšoŭ čas zrabić nastupny krok — zabiaśpiečyć finansavańnie telekanału «Biełsat»», — napisaŭ u sacsietcy Tyškievič.
Stypiendyjalnaja prahrama imia Kastusia Kalinoŭskaha paŭstała paśla Płoščy ŭ 2006-m. Tady ŭdzielnikaŭ pratestu pačali zvalniać z pracy i adličvać z vučoby. Alaksandr Milinkievič źviarnuŭsia da polskaha ŭradu z prośbaj padtrymać represavanych studentaŭ. Polski ŭrad za adnyja sutki raspracavaŭ i padpisaŭ prajekt dapamohi — Prahramu Kalinoŭskaha.
U 2017-m było niekalki vypadkaŭ, kali studentaŭ adličyli z VNU za ŭdzieł u akcyjach pratestu, adznačaje «Biełsat».