U Kažan-Haradku na pažary zahinuli 32-hadovyja muž i žonka
Pažar adbyŭsia kala 6 ranicy 8 krasavika ŭ vioscy Kažan-Haradok Łuninieckaha rajona. Haspadar sam pryjšoŭ da ratavalnikaŭ i raspavioŭ pra ŭzharańnie ŭ svajoj chacie, paviedamili ŭ MNS.
Kali ratavalniki prybyli na miesca, usiaredzinie cahlanaj chaty hareŭ ahoń, pamiaškańnie było mocna zadymlenaje. Vyśvietliłasia, što ŭ domie znachodziacca dva čałavieki.
27-hadovy haspadar žylla spaŭ, kali ŭ domie pačaŭsia pažar. Jon pračnuŭsia ad ščylnaha zadymleńnia, pakinuŭ pamiaškańnie praz akno. Pakoj, dzie znachodzilisia jaho zvodny brat z žonkaj, u hety momant užo byŭ achopleny ahniom. Ratavalniki vyjavili ich abharełyja cieły na padłozie.
Pavodle papiaredniaj infarmacyi, zahinułych napiaredadni pažaru bačyli ŭ niećviarozym stanie. Ahniom paškodžany ścieny, pierakryćcie, unutranaje azdableńnie i majomaść u domie.
Pryčyna pažaru vyśviatlajecca. Asnoŭnaja viersija - nieaściarožnaść padčas kureńnia z boku zahinuŭšych.