Siońnia ŭ «Akademknizie» — Ludmiła Rubleŭskaja pradstaŭlaje «Dahieratyp» i ładzić aŭtohraf-siesiju
Pr.Niezaležnaści, 72 (st.m. «Akademija navuk»). Pačatak a 18.30.
11 krasavika ŭ 18.30 u kramie «Akademkniha» adbudziecca aŭtohraf-siesija piśmieńnicy Ludmiły Rubleŭskaj.
Niadaŭna ŭ vydaviectvie «Januškievič» u viadomaj piśmieńnicy vyjšaŭ novy historyka-pryhodnicki raman «Dahieratyp».
Siužet knihi zakručany i adbyvajecca ŭ dvuch chranałahičnych pieryjadach: kancy XIX stahodździa, kali va ŭvieś rost padymaŭsia biełaruski patryjatyzm, i ŭ našy ŭsim znajomyja časy. Usio pačynajecca z taho, što małady vučony Haljaš razam ź dziaŭčynaj ź dziŭnaj mianuškaj Simka, raźbirajučy dziedavy rečy, vypadkova znachodziać stary dziońnik… Dalej adbyvajucca nievierahodnyja padziei.
Kniha pabačyła śviet dziakujučy padtrymcy prychilnikaŭ torčaści Ludmiły Rubleŭskaj. Ź ich dapamohaj udałosia sabrać patrebnuju sumu na kraŭdfandynhavaj placoŭcy Talaka.
Kniha była pradstaŭlena na Minskaj mižnarodnaj knižnaj vystavie-kirmašy ŭ lutym 2017 hoda i atrymała vysokuju adznaku čytačoŭ. Jana za niekalki dzion stała sapraŭdnym biestsieleram siarod knižnych navinak 2017 hoda.
Śpiecyjalnym hościem na sustrečy budzie paet, hałoŭny redaktar vydaviectva «Mastackaja litaratura» Viktar Šnip.