U Zelvienskim rajonie piensijanier da śmierci zabiŭ brata małatkom
U Zelvienskim rajonie piensijanier da śmierci zabiŭ brata małatkom: sprava pieradadzienaja ŭ sud. Pra heta BIEŁTA paviedamili ŭ Hrodzienskim abłasnym sudzie.
Adkrytaje sudovaje pasiadžeńnie projdzie 26 krasavika ŭ sudzie Zelvienskaha rajona. Miascovy žychar abvinavačvajecca ŭ ździajśnieńni złačynstvaŭ, praduhledžanych p. p. 6 č. 2 art. 139 (zabojstva, učynienaje z asablivaj žorstkaściu), č. 2 art. 295 (niezakonnaje zachoŭvańnie vybuchovych rečyvaŭ) KK RB.
Zabojstva adbyłosia ŭnačy 15 listapada minułaha hoda na dačy svajakoŭ u vioscy Biazvodnaje Zelvienskaha rajona. Paśla sumiesnaha raśpićcia śpirtnych napojaŭ braty pasvarylisia: 69-hadovy piensijanier uziaŭsia za małatok i nanios śmiarotnyja traŭmy 60-hadovamu bratu.
Paźniej mužčyna pabieh u susiedniuju viosku, adkul patelefanavaŭ žoncy i paviedamiŭ ab tym, što niechta zabiŭ brata i vykraŭ jaho mabilny telefon. Apieratyŭna-vyšukovyja mierapryjemstvy pakazali biespadstaŭnaść takoj viersii. U pryvatnaści, vakoł chutara nie byli vyjaŭlenyja čužyja ślady. Nieŭzabavie mužčyna pryznaŭsia ŭ zroblenym.