«Biełnaftachim»: Rasija ad siońnia pavialičvaje abjomy pastavak nafty
Naroščvańnie abjomaŭ pastavak rasijskaj nafty ŭ Biełaruś pačynajecca ź siońniašniaha dnia. Pra heta BIEŁTA paviedamili ŭ kancernie «Biełnaftachim».
Padpisanyja indykatyŭny bałans na pastaŭku ŭ Biełaruś u 2017 hodzie 24 młn t nafty, a taksama hrafik prapampoŭki nafty na druhi kvartał hetaha hoda.
«U pieršym paŭhodździ rasijski bok pastavić u Biełaruś uvieś zapytany abjom nafty», — adznačyli ŭ «Biełnaftachimie».
U hetym hodzie Rasija pastavić Biełarusi 24 młn ton nafty: u druhim kvartale — 6 młn, u trecim i čaćviortym — pa 7, paviedamiŭ napiaredadni aficyjny pradstaŭnik «Tranśniefci» Ihar Dziomin.
Jak paviedamlałasia, Biełaruś i Rasija 13 krasavika padpisali pakiet z čatyroch dakumientaŭ u naftahazavaj śfiery.