Eks-prezidentu Paŭdniovaj Karei pradjaŭlenyja abvinavačvańni ŭ karupcyi
Prakuratura Sieuła aficyjna pradjaviła abvinavačvańni byłomu prezidentu Paŭdniovaj Karei Pak Kyn Chie, adchilenaj ad ułady ŭ suviazi z hučnym karupcyjnym skandałam. Kryminalnaja sprava nakiravanaja ŭ sud.
U liku abvinavačvańniaŭ, pradjaŭlenych eks-kiraŭniku dziaržavy — chabarnictva, złoŭžyvańnie słužbovymi paŭnamoctvami, niezakonny cisk na biznes i razhałošvańnie dziaržaŭnych sakretaŭ.
U śniežni 2016 hoda Pak Kyn Chie byŭ abvieščany impičmient, z sakavika hetaha hoda jana ŭtrymlivajecca ŭ śledčym izalatary ŭ pryharadzie Sieuła.
Sudovy praces pavinien pačacca ŭ bližejšyja tydni. Čakajecca, što Pak Kyn Chie zastaniecca pad vartaj na čas sudovaha razboru, jakoje moža pradoŭžycca kala paŭhoda.
Prakurory zajaŭlajuć, što sabrali vialiki abjom dokazaŭ viny eks-prezidenta. Sama Pak Kyn Chie bolšaść abvinavačvańniaŭ admaŭlaje…