Minčuk znajšoŭ bołt va ŭpakoŭcy ź piernikami FOTA
Pierniki «Pijanierskija» akazalisia ź siurpryzam — u pačku pakupnika čakaŭ «padarunak».
«12 krasavika ja kuplaŭ pradukty charčavańnia va ŭniviersamie «Domašnij», što pa vulicy Sucharaŭskaja, 5. Zachacieŭ kupić piernikaŭ. Uziaŭ upakoŭku z nazvaj «Pierniki «Pijanierskija» hłazuravanyja» i vyjaviŭ unutry «siurpryz» ad vytvorcy. Tam byŭ samy sapraŭdny bołt!, — paskardziŭsia «Našaj Nivie» čytač Andrej. — Prysutnaść mietaličnaha bałta va ŭpakoŭcy ź piernikami krasamoŭna pakazvaje na niadbałaje staŭleńnie za kantrolem pradukcyi na vytvorčasci».
Na staličnym pradpryjemstvie «Biskvitnaja fabryka», dzie byli vyrablenyja pierniki, paabiacali razabracca ŭ situacyi.
«Miery prymiem abaviazkova: daviedajemsia, jakaja źmiena i chto vinavaty, jak inšarodny pradmiet moh trapić va ŭpakoŭku, - paviedamiła «Našaj Nivie» Kaciaryna Žukoŭskaja, inžynier pa jakaści «Biskvitnaj fabryki». — U nas ukaranionaja sistema mieniedžmientu jakaści pradukcyi, tamu treba abaviazkova vyznačyć pryčynu taho, što zdaryłasia. Vinavatych pakarajem. Pradpryjemstva abaviazkova adreahuje».
Taksama Žukoŭskaja zaklikała niezadavolenaha pakupnika samoha pazvanić na pradpryjemstva. Pa słovach žančyny, pakryŭdžanaha klijenta zaprosiać abmierkavać situacyju z kiraŭnictvam fabryki.