Łukašenka źvierniecca z pasłańniem da naroda i deputataŭ 21 krasavika
Alaksandr Łukašenka 21 krasavika źvierniecca sa štohadovym pasłańniem da biełaruskaha naroda i Nacyjanalnaha schodu.
Jak paviedamlaje pres-słužba kiraŭnika dziaržavy, vystup adbudziecca padčas sumiesnaha pasiadžeńnia Pałaty pradstaŭnikoŭ i Savieta Respubliki.
Žyvuju tranślacyju z Avalnaj zały Doma ŭrada buduć vieści telekanały «Biełaruś 1» i «Biełaruś 24», a taksama Pieršy nacyjanalny kanał Biełaruskaha radyjo. Tranślacyja pačniecca ŭ 10.00. Televizijnuju viersiju pasłańnia pakažuć u viačernim efiry biełaruskich telekanałaŭ.
Na mierapryjemstva zaprošanyja vyšejšyja słužbovyja asoby krainy, členy ŭrada, kiraŭniki orhanaŭ dziaržaŭnaha kiravańnia, najbujniejšych pradpryjemstvaŭ i srodkaŭ masavaj infarmacyi, pradstaŭniki dypłamatyčnaha korpusa.