Na trasie M1 sutyknulisia fura i mikraaŭtobus: dva čałavieki zahinuli, adzin — u reanimacyi
Dva čałavieki zahinuli i jašče adzin atrymaŭ surjoznyja traŭmy ŭ DTZ, jakoje adbyłosia dniom 21 krasavika na trasie M1 pad Barysavam. Pra heta TUT.BY paviedamili ŭ DAI Minskaj vobłaści.
Pavodle papiaredniaj infarmacyi, kala 16.30 na 452-m kiłamietry trasy M1 Brest — Minsk — miaža RF u Barysaŭskim rajonie fura Renault, jakaja jechała ŭ kirunku Bresta, sutyknułasia z sustrečnym mikraaŭtobusam Volkswagen Multivan. Paśla sutyknieńnia abodva transpartnyja srodki vylecieli ŭ kiuviet.
U vyniku DTZ dva čałavieki ź mikraaŭtobusa ad atrymanych traŭmaŭ pamierli na miescy zdareńnia, jašče adzin u ciažkim stanie dastaŭleny ŭ reanimacyjnaje adździaleńnie balnicy.
Na miescy avaryi pracuje śledča-apieratyŭnaja hrupa. Pryčyny i abstaviny DTZ vyśviatlajucca. Papiarednie viadoma, što sutyknieńnie adbyłosia ŭ pałasie ruchu VW.