Były futbalist zbornaj Čechii znojdzieny miortvym u svajoj kvatery ŭ Turcyi
Fota: facebook.com
Były abaronca zbornaj Čechii pa futbole Francišak Rajtarał znojdzieny miortvym u svajoj kvatery ŭ Turcyi, najbolš imaviernaj pryčynaj śmierci nazyvajecca samahubstva. Pra heta paviedamlaje Bi-bi-si.
Francišak Rajtarał. Fota: gaziantepspor.org.tr
Pavodle źviestak, 31-hadovy spartsmien paviesiŭsia. Heta paćvierdziŭ prezident tureckaha «Haziantespora», za jaki vystupaŭ futbalist, Ibrahim Kyzył.
— Na žal, ja mahu paćvierdzić, što infarmacyja pra samahubstva dakładnaja. Nie razumieju pryčyny jaho ŭčynku, jon byŭ u dobrym nastroi, ja nie zaŭvažaŭ u jaho niejkich prablem, — skazaŭ kiraŭnik kłuba.
***
Francišak Rajtarał pravioŭ 14 sustreč za zbornuju Čechii, udzielničaŭ u čempijanacie Jeŭropy 2012 hoda. Čatyry razy (2011, 2013, 2015, 2016) stanaviŭsia čempijonam Čechii ŭ składzie kłuba «Viktoryja», u 2011 hodzie vyjhraŭ Kubak Čechii, u 2011 i 2015 hodzie — Supierkubak krainy. U 2014 hodzie sprabavaŭ svaje siły ŭ hiermanskaj bundeślizie, na pravach arendy zhulaŭšy 7 matčaŭ za «Hanovier-96».
U 2016 hodzie pierajšoŭ u «Haziantespor», dzie vystupaje taksama paŭabaronca zbornaj Biełarusi Siarhiej Kiślak. Za turecki kłub Rajtarał pravioŭ 19 matčaŭ.