Dym pažaru na terytoryi byłoha rehienieratarnaha zavoda nakryŭ pałovu Mahilova FOTAFAKT
Pažar na terytoryi byłoha rehienieratarnaha zavoda ŭ Mahilovie pačaŭsia kala 19.20. Na tušeńnie vyjechali adrazu 8 pažarnych raźlikaŭ, paviedamiŭ TUT.BY pamočnik načalnika Mahiloŭskaha abłasnoha ŭpraŭleńnia MNS Vadzim Urubleŭski.
Fota Mikity Nastalskaha
Pažar adbyvajecca na placoŭcy zachoŭvańnia humatechničnych adchodaŭ u rajonie vulicy Čaluskincaŭ, udakładniŭ Vadzim Urubleŭski. Idzie naroščvańnie sił MNS dla baraćby z ahniom - uzharańnie davoli surjoznaje. Pamočnik načalnika Mahiloŭskaha abłasnoha UMNS padkreśliŭ: panikavać nie varta.
Fota Alaksandra Alaksandrava
A dziaviataj hadzinie viečara pažar byŭ łakalizavany. Humatechničnyja adchody harać na płoščy prykładna ŭ 800 kvadratnych mietraŭ. Z połymiem zmahajucca 14 padraździaleńniaŭ MNS i pažarny ciahnik.
Pa słovach Vadzima Urubleŭskaha, vady dastatkova, tak što dla likvidacyi ŭzharańnia nieabchodny tolki niekatory čas. Pryčynu pažaru vyśvietlać śpiecyjalisty.
Były rehienieratarny zavod u Mahilovie vyrablaŭ i pradavaŭ humu, humovyja sumiesi, drobku i druhasny kaŭčuk. Zaraz na jaho terytoryi znachodziacca niekalki pradpryjemstvaŭ.