U Rasii niaŭdały fokuśnik vypadkova spaliŭ žonku
U dačynieńni da 33-hadovaha žychara rasijskaha horada Viaźma (jaho imia nie nazyvajecca) raspačata kryminalnaja sprava pa artykule 109 KK RF («Pryčynieńnie śmierci pa nieaściarožnaści»).
Incydent adbyŭsia 15 krasavika. Padčas raśpićcia śpirtnych napojaŭ u kvatery mužčyna vyrašyŭ pakazać žoncy fokus «vydzimańnie ahniu z rota».
«Jon nabraŭ u rot śpirtaźmiaščalnuju vadkaść i padnios da vusnaŭ zapalnicu, paśla čaho padźmuŭ na ahoń. U vyniku ahoń trapiŭ na žonku, jakaja siadzieła pobač, taja atrymała mocnyja apioki amal 90 pracentaŭ płoščy cieła», — havorycca ŭ paviedamleńni SU SKR.
Ad atrymanych cialesnych paškodžańniaŭ praz try dni žančyna pamierła ŭ balnicy.