Tramp prapanavaŭ Paŭdniovaj Karei zapłacić za raźmiaščeńnie amierykanskaj PRA
Prezident ZŠA Donald Tramp nastojvaje na tym, što Paŭdniovaja Kareja pavinna zapłacić za raźmiaščeńnie na svajoj terytoryi amierykanskaj sistemy supraćrakietnaj abarony THAAD. Pra heta Tramp zajaviŭ u intervju Reuters.
Košt sistemy PRA, razhornutaj u Paŭdniovaj Karei, prezident ZŠA acaniŭ u 1 miljard dalaraŭ.
Vysokapastaŭlenaja krynica ŭ Minfinie Paŭdniovaj Karei, kamientujučy zajavu Trampa, skazała: «Razmovy i realnaja palityka — roznyja rečy. Pakul jany [administracyja Trampa] ŭ nas ničoha nie prasili, pačakajem i pahladzim, što budzie dalej».
Taksama Tramp u intervju Reuters zajaviŭ, što ZŠA mohuć pierahledzieć pahadnieńnie ab svabodnym handli z Paŭdniovaj Karejaj. «Heta nieprymalna, heta žachlivaja ździełka, składzienaja Chiłary [Klintan], — zajaviŭ Tramp. — My pavinny abo nanova abmierkavać umovy i admianić jaje».
U padrychtoŭcy pahadnieńnia ŭdzielničała sapiernica Trampa na vybarach prezidenta ZŠA Chiłary Klintan, jakaja zajmała ŭ toj momant pasadu dziaržsakratara.