1 maja paśla ramontu adkryjuć čyhunačnuju stancyju Kurasoŭščyna
Skončanaja rekanstrukcyja čyhunačnaha punkta Kurasoŭščyna ŭ Minsku. Tut pabudavali padziemny pierachod z padjomnikami dla invalidaŭ, ustalavali terminały dla kupli kvitkoŭ, paviedamlajecca na sajcie Biełaruskaj čyhunki.
Na stancyi źjaviŭsia novy kasavy paviljon, a taksama terminał, z dapamohaj jakoha možna kupić kvitok na ciahniki pa Biełarusi, krainach SND i Bałtyi (pa karcie i za najaŭnyja).
Akramia taho, rekanstrujavali pasadačnyja płatformy i kantaktnuju sietku, a samu stancyju dobraŭparadkavali. I aharadzili terytoryju na ŭčastku ad stancyi Minsk-Sartavalny da MKAD — dla biaśpieki hramadzian.
Chutka na Kurasoŭščynie ŭstalujuć terminały dla kupli kvitkoŭ na haradskija i rehijanalnyja linii ekanomkłasa pa bankaŭskaj karcie.
Stancyja Kurasoŭščyna źviazvaje dva staličnyja mikrarajony, tut spyniajucca 40 ciahnikoŭ rehijanalnych linij. Letaś z Kurasoŭščyny adpravilisia bolš za paŭmiljona pasažyraŭ.