Ustupleńnie ŭ siłu novaha Mytnaha kodeksa JEAES pieranieśli na paŭhoda
president.gov.by
Jeŭrazijskaja ekanamičnaja kamisija (JEEK) paviedamiła ab pieranosie na 1 studzienia 2018 hoda ŭstupleńnia ŭ siłu novaha Mytnaha kodeksa Jeŭrazijskaha ekanamičnaha sajuza (JEAES). Takoje rašeńnie było pryniata ŭčora na Saviecie JEEK.
Raniej mierkavałasia, što Mytny kodeks JEAES ustupić u siłu z 1 lipienia 2017 hoda. «Adnačasova z kodeksam pačnuć dziejničać pieršačarhovyja rašeńni kamisii pa 25 pytańniach, adniesienych na nadnacyjanalny ŭzrovień. Jany tyčacca rehulavańnia dziejnaści ŭpaŭnavažanych ekanamičnych apierataraŭ, praviłaŭ pieramiaščeńnia tavaraŭ fizičnymi asobami», — paviedamlaje JEEK.
Nahadajem, u kancy minułaha hoda Alaksandr Łukašenka admoviŭsia padpisvać Mytny kodeks JEAES, i heta stała adnoj z asnoŭnych prablemnych kropak va ŭzajemaadnosinach z Rasijaj.
Bolš za toje, jon rezka vykazaŭsia pra toje, što «šmat čaho, što pavinna było być, nie pracuje». «Bolš za toje, ja daručyŭ adklikać asnoŭnych našych śpiecyjalistaŭ z mytnych orhanaŭ. Biez vyrašeńnia prablem ja navat nie dakranusia da hetaha kodeksa i inšych pytańniaŭ», — padkreśliŭ tady Łukašenka.
U krasaviku kiraŭnik Biełarusi ŭsio ž padpisaŭ novy Mytny kodeks JEAES. Hetamu spryjała dasiahnieńnie damoŭlenaściej pamiž Minskam i Maskvoj pa pastaŭkach hazu i nafty.
Mytny kodeks Jeŭrazijskaha ekanamičnaha sajuza prychodzić na źmienu Mytnaha kodeksu Mytnamu sajuzu, pryniatamu ŭ 2009 hodzie. Dakumient, praca nad jakim viałasia ciaham 3 hady, praduhledžvaje pieranos šerahu paŭnamoctvaŭ na ŭzrovień JEEK, a taksama spraščeńnie mytnych pracedur dla biznesu.