Va Ukrainie źbirajucca sudzić 94-hadovaha aficera KDB za zabojstva mastaka UPA ŭ 1950-ja
Hienieralnaja prakuratura Ukrainy pačała rasśledavańnie pa fakcie zabojstva mastaka Ukrainskaj paŭstanckaj armii (UPA) Niła Chasieviča rabotnikam orhanaŭ dziaržbiaśpieki SSSR Barysam Ściaklaram.
Nił Chasievič.
«Sprava ŭnikalnaja i nie maje anałahaŭ va Ukrainie. Učynak Ściaklara, aficera KDB, nie maje terminu daŭnaści. Złačynstva praź dziasiatki hadoŭ zastajecca złačynstvam. Zabojstva Chasieviča, zmahara za niezaležnaść, pavinna rasśledavacca, i kožny pavinien atrymać prysud», — kaža pradstaŭnik Nacyjanalnaha centra pravaabarony Dzianis Pališčuk, jaki inicyjavaŭ rasśledavańnie.
Barysu Ściaklaru ciapier 94 hady.
Barys Ściaklar kiravaŭ apieracyjaj MHB pa pošuku i źniščeńni padpolnaha mastaka Niła Chasieviča ŭ 1952 hodzie.
Pavodle adnoj ź viersij, Ściaklar asabista kinuŭ hranatu ŭ bunkier, dzie chavaŭsia Chasievič i inšyja siabry Arhanizacyi ŭkrainskich nacyjanalistaŭ.
Pavodle inšaj lehiendy, Chasievič zastreliŭsia, kab nie zdacca žyvym.
Pracy Chasieviča.
Cikava, što letaś Ściaklar źviartaŭsia ŭ sud z prośbaj nie pradastaŭlać jaho asabistuju spravu dla aznajamleńnia nasupierak zakonu «Ab dostupie da archivaŭ represiŭnych orhanaŭ kamunistyčnaha tatalitarnaha režymu 1917-1991 hadoŭ».
Płany ŭkrainskich uładaŭ pa pieraśledzie vieterana vyklikali šał u rasijskich ŚMI.