Apakalipsisu nie budzie: biełaruskaja chakiejnaja zbornaja zastałasia ŭ elitnym dyvizijonie
Paŭłovič u matčy zrabiŭ halavy dubl i zrabiŭ vynikovuju pieradaču, Reuters.com
Biełaruskaja chakiejnaja zbornaja zachavała prapisku ŭ elitnym dyvizijonie. Siońnia, 13 maja, na čempijanacie śvietu pa chakiei, što prachodzić u Paryžy i Kiolnie, Biełaruś vyjhrała ŭ Słavienii 5:2 (1:2, 4:0, 0:0).
Pierad hetym biełarusy paciarpieli piać parazaŭ: ad Finlandyi (2:3), Čechii (1:6), Kanady (0:6), Šviejcaryi (0:3) i Francyi pa bulitach 3:4.
Kanada — 12 (4), Čechija — 10 (5), Šviejcaryja — 9 (4), Finlandyja — 9 (5), Narviehija — 8 (5), Francyja — 7 (5), Biełaruś — 4 (6), Słavienija — 1 (6).
Apošni matč biełarusy praviaduć u aŭtorak z Narviehijaj, a Słavienija ŭ paniadziełak zhulaje z Francyjaj. Ale hetyja hulni ničoha nie vyrašajuć. Słavienija pakidaje elitny dyvizijon.
Praŭda, słaviency paŭtara hoda tamu vyrvali ŭ biełarusaŭ pucioŭku na Alimpijadu. A, vidać, mienavita heta — hałoŭny chakiejny turnir.
Taksama nahadajem, što Łukašenka nieadnarazova apošnim časam padviarhaŭ biełaruskuju zbornuju krytycy.
9 maja jon zajaviŭ: «A jak jany z kanadcami zhulali [0:6]? Heta ŭvohule stydobišča. Lepš było b nie vychodzić. Čaho vyjšli, kali nohi padkošvajucca, biehčy nie mohuć, kidać pa bramie nie mohuć. (…) Pahladzim, što budzie dalej. Zrobiać vysnovy, pačnuć hulać - budziem heta prymać. Nie - značyć, my z hetym mirycca nie budziem. Ja čamu tak vostra reahuju? Nie tamu što spartsmien i zajmajusia sportam ŭsio žyćcio. A tamu što sport - heta najvialikšaja ideałohija».
***
Nastupny čempijanat śvietu projdzie ŭ Danii.