Erdahan: Turcyja nikoli nie pryznaje sajuz ZŠA z kurdami
Prezident Turcyi Redžep Taip Erdahan paśla pieramovaŭ z prezidentam ZŠA Donaldam Trampam adznačyŭ, što jon nikoli nie pryznaje sajuz ZŠA z kurdami.
Erdahan zajaviŭ, što na Blizkim Uschodzie «niama miesca terarystyčnym arhanizacyjam». Takim čynam jon vykazaŭsia pra kurdaŭ, jakich ZŠA pačali uzbrojvać tydzień tamu.
Niahledziačy na hetyja roznahałośsi, Erdahan i Tramp stanoŭča adhuknulisia ab raźvićci dvuchbakovych adnosin i paabiacali ŭmacoŭvać ich.
9 maja Tramp uchvaliŭ pastaŭki zbroi i bojeprypasaŭ kurdskim hrupoŭkam ŭ Siryi, jakija ŭ šerahach aljansu «Demakratyčnyja siły Siryi» vajujuć suprać bajevikoŭ hrupoŭki «Isłamskaja dziaržava».
16 maja Erdahan zajaviŭ, što supracoŭničać z kurdami absalutna nieprymalna.
Turcyja nazyvaje siryjskich kurdaŭ častkaj zabaronienaj «Pracoŭnaj partyi Kurdystana» (RPK), jakaja taksama ličycca terarystyčnaj ŭ ZŠA, Brytanii i jašče niekalkich jeŭrapiejskich krainach.