U Strasburhu kančatkova zaćvierdzili biaźviz dla Ukrainy
Prezident Ukrainy Piatro Parašenka siońnia ŭ Strasburhu ŭziaŭ udzieł u cyrymonii padpisańnia zakanadaŭčaha akta ab admienie ukraincam vizavych patrabavańniaŭ dla karotkaterminovych padarožžaŭ u krainy ES i Šenhienskaj zony, paviedamlaje Ukrinform.
ukrinform.ua
Dakumient padpisali prezident Jeŭraparłamienta Antonia Tajani i Karmiel Abieła, ministr unutranych spraŭ i nacyjanalnaj biaśpieki Malty, jakaja staršynstvuje ŭ ES.
Zakanadaŭčy rehłamient praduhledžvaje pieraniasieńnie Ukrainy ŭ śpis trecich krain, hramadzianam jakich admianiajucca vizavyja patrabavańni dla karotkaterminovych padarožžaŭ u krainy Jeŭrasajuza (za vyklučeńniem Vialikabrytanii i Irłandyi), a taksama ŭ krainy Šenhienskaj zony, uklučajučy Šviejcaryju, Narviehiju, Isłandyju i Lichtenštejn.
Jak čakajecca, paśla aficyjnaha apublikavańnia biaźvizavy režym dla ŭkrainskich hramadzian ustupić u siłu 11 červienia.