Zatrymanamu žycharu Kalinkavičaŭ moža pahražać śmiarotnaje pakarańnie za zabojstva 22-hadovaj daŭniny
U pačatku hoda niećviarozaha mužčynu zatrymali ŭ abłasnym centry za hrubaje parušeńnie hramadskaha paradku. U dačynieńni da 45-hadovaha žychara rajcentra raspačali kryminalnuju spravu za asabliva złosnaje chulihanstva z nažom. U chodzie rasśledavańnia byli praviedzieny roznyja ekśpiertnyja daśledavańni. Atrymanyja vyniki vyvieli na inšaje — nieraskrytaje złačynstva.
U 1995 hodzie milicyja raspačała kryminalnuju spravu pa fakcie naŭmysnaha naniasieńnia ciažkich cialesnych paškodžańniaŭ, jakija pryviali da śmierci dziaŭčyny. Achviaraj nieviadomaha złamyśnika stała 17-hadovaja žycharka Kalinkavičaŭ. Ale tady złačyncu ŭdałosia syści ad pravasudździa. Praz dva dziasiatki hadoŭ milicyjanty vyjšli na śled mierkavanaha zabojcy.
U vyniku praviedzienaj hienietyčnaj ekśpiertyzy ŭ dačynieńni da chulihana vyjaviłasia supadzieńnie ź bijałahičnym materyjałam (śpiermaj), znojdzienym na miescy złačynstva, ździejśnienaha ŭ 1995-m. Pa viersii śledstva, achviara złačynstva pieršapačatkova padvierhnułasia zhvałtavańniu. Kab schavać ślady, złamyśnik zabiŭ dziaŭčynu, naniosšy joj niekalki śmiarotnych udaraŭ pa hałavie.
Padazravany ŭ padvojnym złačynstvie mužčyna znachodzicca pad vartaj, u dačynieńni da jaho pryznačanaja stacyjanarnaja psichołaha-psichijatryčnaja ekśpiertyza. Rasśledavańnie kryminalnaj spravy praciahvajecca. Pakolki sankcyja artykuła, jakaja stavicca žycharu Kalinkavičaŭ, praduhledžvaje pakarańnie ŭ vyhladzie śmiarotnaha pakarańnia, pytańnie ab užyvańni terminaŭ daŭniny budzie vyrašacca sudom.