U Viciebsku mužčyna z pomsty padpaliŭ aŭtamabil susieda
U Viciebsku mužčyna z pomsty padpaliŭ aŭtamabil susieda, paviedamiła BIEŁTA aficyjny pradstaŭnik upraŭleńnia Śledčaha kamiteta pa Viciebskaj vobłaści Śviatłana Sacharava.
Fota USK pa Viciebskaj vobłaści
Viciebskim haradskim adździełam Śledčaha kamiteta vystaŭlenaje abvinavačvańnie ŭ naŭmysnym źniščeńni i paškodžańni majomaści žycharu Viciebska, jaki z pomsty padpaliŭ aŭtamabil 44-hadovaha znajomaha. Z momantu zatrymańnia mužčyna ŭtrymlivajecca pad vartaj.
Incydent adbyŭsia ŭ mikrarajonie Bileva nočču 13 maja. U dvary šmatkvaternaha žyłoha doma pa vulicy Karatkieviča adbyŭsia pažar. Hareŭ aŭtamabil Volkswagen Golf, 1988 hoda vypusku. Kala 2 hadzin nočy žychary paviedamili pra ŭzharańnie ŭ MNS i milicyju. Ahoń paśpieŭ paškodzić i aŭtamabili Mazda i Nissan Primera, jakija stajali pobač.
Na miesca zdareńnia prybyła śledča-apieratyŭnaja hrupa, jakaja praviała ahlad miesca zdareńnia, apytała vidavočcaŭ i ŭładalnikaŭ aŭtamabila. Pa haračych śladach supracoŭniki orhanaŭ unutranych spraŭ znajšli i zatrymali padazravanaha ŭ padpale aŭtamabila. Im akazaŭsia 52-hadovy žychar Viciebska, jaki raniej adsiedzieŭ za zabojstva 7,5 hoda.
Śledčyja vyśvietlili, što mužčyna metanakiravana rychtavaŭsia da padpału aŭtamabila novaha susieda, jaki vosieńniu minułaha hoda nabyŭ susiedni pryvatny dom u Kastryčnickim rajonie Viciebska. Kanflikt pamiž susiedziami pryvioŭ da taho, što mužčyna vysačyŭ, dzie paciarpieły pražyvaje ŭ mikrarajonie Bileva i stavić svoj aŭtamabil. U pačatku maja padazravany pryjechaŭ tudie na rovary i prakałoŭ usie koły Volkswagen. A ŭžo ŭ noč na 13 maja paśla ŭžyvańnia śpirtnych napojaŭ vyrašyŭ padpalić aŭtamabil susieda: raźbiŭ škło, abliŭ sałon bienzinam i padpaliŭ. Aŭtamabil byŭ całkam źniščany.
Pa hetym fakcie Viciebskim HOSK raspačataja kryminalnaja sprava pa č.2 art. 218 Kryminalnaha kodeksa Biełarusi (naŭmysnaje źniščeńnie i paškodžańnie majomaści, učynienyja ahulnaniebiaśpiečnym sposabam).
Śledčyja praviali pieratrus pa miescy žycharstva zatrymanaha, u vyniku jakoha kanfiskavali rovar, śpiecvopratku, palčatki, haruča-zmazačnyja i lohka samazapalvajučyja vadkaści. Dla vyznačeńnia naniesienaj škody paciarpiełym u vyniku pažaru pryznačanyja ekśpiertyzy.
Rasśledavańnie kryminalnaj spravy praciahvajecca.