Tramp zajaviŭ pra davier svajmu ziaciu
Prezident ZŠA Donald Tramp zajaviŭ ab tym, što jon daviaraje svajmu ziaciu i daradcy Džared Kušnieru. Słovy amierykanskaha prezident pieradaje The New York Times.
Zajava Trampa prahučała paśla taho, jak The Washington Post sa spasyłkaj na krynicy siarod čynoŭnikaŭ napisała pra toje, što Kušnier prapanoŭvaŭ pasłu Rasii ŭ ZŠA Siarhieju Kiślaku stvaryć «sakretny kanał suviazi» z Maskvoj z dapamohaj dypłamatyčnych srodkaŭ, jakija vykarystoŭvajucca dla kantaktu pamiž krainami.
«Džared robić surjoznuju pracu dla krainy», — zajaviŭ Tramp. — «Ja całkam jamu daviaraju. Faktyčna jaho pavažajuć usie, i jon pracuje nad prahramami, jakija dapamohuć zekanomić našaj krainie miljardy dalaraŭ. Dadam da hetaha, mahčyma, samaje hałoŭnaje - jon dobry čałaviek», - skazaŭ na zakančeńnie Tramp.
Akramia taho, amierykanski prezident u svaim Twitter u niadzielu, 28 maja, napisaŭ: «Jak tolki vy bačycie ŭ ŚMI z fejkavymi navinami «skazali krynicy» i nie nazvanyja ich imiony, chutčej za ŭsio, što hetych krynic nie isnuje, a stvorany jany aŭtarami fejkavych navin. #FakeNews — heta vorah».