U Hrodzienskim rajonie 80-hadovaja žančyna zdoleła ŭciačy ad hvałtaŭnika-piensijaniera
Padčas pakazu vystaŭlenaha na prodaž doma piensijanier pasprabavaŭ zhvałtavać 80-hadovuju pakupnicu, paviedamili BiełTA ŭ pres-słužbie UUS Hrodzienskaha abłvykankama.
Kryminalnaja sprava pa artykule «Zamach na zhvałtavańnie» raspačata ŭ Hrodzienskim rajonie. Fihurantam jaho staŭ 68-hadovy mužčyna, jaki ŭziaŭsia zhvałtavać 80-hadovuju piensijanierku.
Raniej mužčyna žyŭ sumiesna ź inšaj žančynaj u domie jaje svajakoŭ. Kali taja pamierła, radnia pryniała rašeńnie ab prodažy žylla. Mužčyna praciahnuŭ tam žyć, što nazyvajecca na ptušynych pravach. «Ranicaj 24 maja pahladzieć dom pryjšła patencyjnaja pakupnica - žančyna na 1936 hoda naradžeńnia. Praź niekatory čas mužčyna staŭ prystavać da pažyłoj hości. Jon pavaliŭ jaje na padłohu, ale davieści svaju zadumu da kanca nie zdoleŭ: žančyna zdoleła ŭciačy», - raspaviali ŭ pres-słužbie UUS.
Nieŭzabavie złamyśnik byŭ zatrymany. U momant zatrymańnia jon znachodziŭsia ŭ stanie ałkaholnaha apjanieńnia.