Startuje nacyjanalny adbor na dziciačaje «Jeŭrabačańnie-2017»
Biełteleradyjokampanija abjaviła ab pačatku pryjomu zajavak dla ŭdziełu ŭ nacyjanalnym adboračnym tury dziciačaha konkursu pieśni «Jeŭrabačańnie-2017», jaki projdzie 26 listapada ŭ Tbilisi (Hruzija), paviedamili BIEŁTA ŭ pres-słužbie miedyjachołdynha.
Arhanizataram nacyjanalnaha tura źjaŭlajecca hałoŭny miedyjachołdynh krainy. Adbor pravodzicca ŭ adpaviednaści z pałažeńniem, raspracavanym arhanizataram, i praviłami konkursu, ustanoŭlenymi Jeŭrapiejskim viaščalnym sajuzam.
U hetym hodzie da prasłuchoŭvańnia buduć dapuščany ŭsie pretendenty, čyje zajaŭki adpaviadajuć nastupnym patrabavańniam: udzieł u adbory mohuć pryniać junyja vykanaŭcy, jakim na datu praviadzieńnia mižnarodnaha konkursu pavinna być nie mienš jak 9 i nie bolš jak 14 hadoŭ, jakija źjaŭlajucca hramadzianami Respubliki Biełaruś, abo zamiežnymi hramadzianami i asobami biez hramadzianstva, jakija pastajanna pražyvajuć na terytoryi Biełarusi nie mienš jak dva z pałavinaj hady; u adbory moža ŭdzielničać pieśnia, jakaja składajecca ź vieršaŭ na biełaruskaj i/abo ruskaj movie z vykarystańniem zamiežnaj movy (ale nie bolš za 40 pracentaŭ abjomu tekstu) i muzyki, što nie byli kamiercyjna realizavany, a taksama vykanany publična da 1 maja 2017 hoda; udzielnik adboru abo zakonny pradstaŭnik kankursanta, jaki nie dasiahnuŭ uzrostu 14 hadoŭ, pavinien być adzinym pravaŭładalnikam pieśni, abo mieć sumiesnaje prava vałodańnia pieśniaj, kali ŭ adbory prymaje ŭdzieł kalektyŭ vykanaŭcaŭ.
Dla ŭdziełu ŭ adboračnym tury nieabchodna kaštoŭnaj banderollu nakiravać zajaŭku na adras: 220807, h. Minsk, vuł. Makajonka, 9, z pamietkaj «Na dziciačy konkurs pieśni «Jeŭrabačańnie-2017».
Apošni dzień adpraŭki banderolej z zajaŭkami — 30 červienia.
Pałažeńnie ab praviadzieńni nacyjanalnaha adboru dziciačaha konkursu pieśni «Jeŭrabačańnie-2017» raźmieščana na aficyjnym sajcie Biełteleradyjokampanii www.tvr.by ŭ raździele «Prajekty».
Pa vynikach adboračnaha tura, jakija buduć padviedzieny nie paźniej za 7 lipienia, prafiesijnaje žury vyznačyć ad siami da dziesiaci kankursantaŭ dla ŭdziełu ŭ finale, jaki budzie praviedzieny nie paźniej za 16 vieraśnia ŭ formie hała-kancerta.
Pieramožca nacyjanalnaha adboračnaha tura, jaki pradstavić Biełaruś na dziciačym «Jeŭrabačańni-2017», vyznačajecca pa vynikach hałasavańnia prafiesijnaha žury i telehledačoŭ.
Usie pravy, jakija adnosiacca da praviadzieńnia adboru, naležać vyklučna arhanizataru - Biełteleradyjokampanii. Ekskluziŭnym viaščalnikam jak nacyjanalnaha adboračnaha tura, tak i mižnarodnaha dziciačaha konkursu pieśni «Jeŭrabačańnie-2017» tradycyjna vystupić telekanał «Biełaruś 1».
Biełaruś udzielničaje ŭ mižnarodnym dziciačym konkursie pieśni «Jeŭrabačańnie» z momantu jaho zasnavańnia — z 2003 hoda. Pieršaj biełaruskaj udzielnicaj muzyčnaha forumu była Volha Saciuk. Na rachunku našaj krainy dźvie pieramohi: u 2005-m konkurs vyjhrała Ksienija Sitnik ź pieśniaj «My razam», u 2007-m - Alaksiej Žyhałkovič z kampazicyjaj «Ź siabrami». Na «Jeŭrabačańni-2016» Alaksandr Minionak ź pieśniaj «Muzyka maich pieramoh» zaniaŭ 7-je miesca.