Za 100 km ad biełaruskaj miažy sabralisia «banderaŭcy»
Na Vałyni, u vioscy Harazdža 
niepadalok ad Łucku, 9 i 10 žniŭnia prachodziŭ fest alternatyŭnaj muzyki «Banderštat — 2008».
Na Vałyni, u vioscy Harazdža
Fota — Bandierštat
Mierapryjemstva było prymierkavana da 100‑ych uhodkaŭ z dnia naradžeńnia lidera ŭkrainskich paŭstancaŭ Ściapana Bandery .
Pa padlikach arhanizataraŭ, u feście ŭziali ŭdzieł bolš jak 3 tysiačy čałaviek.
Ciaham festu prachodzili roznyja mastackija majstar-klasy, spartovyja spabornictvy, pakazalnyja vystupy bajavoha hapaku parkuru, fryźbi dy soksu. Z małoj sceny hučali litaraturnyja tvory, pryčym u čytańniach brali ŭdzieł byłyja partyzany z Ukrainskaj paŭstanckaj armii.
Kancertnaja prahrama festu składałasia z vystupu 22 ukrainskich hurtoŭ. Chedłajnerami pieršaha festavaha dnia staŭ viadomy na alternatyŭnaj scenie lvoŭski hurt «ANNA». Začyniali ž fest metry ŭkrainskaha roku — kamanda «Komu Vniz».
U načnuju prahramu «Banderštatu» uvajšli seansy paŭstanckaha kino dy načnyja piesiennyja vohniščy.