Minabarony Rasii nazvała pryčynu krušeńnia Tu-154 u Sočy
Pryčynaj krušeńnia Tu-154 Ministerstva abarony Rasii, jaki raźbiŭsia 25 śniežnia 2016 hoda pad Sočy, nakiroŭvajučysia ŭ Siryju, mahła stać pamyłka kamandzira samalota z-za parušeńnia prastoravaj aryjenciroŭki. Taki vynik rasśledavańnia, praviedzienaha vajennym viedamstvam.
«Pa vynikach rasśledavańnia ŭstanoŭlena, što pryčynaj zdareńnia mahło być parušeńnie prastoravaj aryjenciroŭki — situacyjnaj daśviedčanaści kamandzira pavietranaha sudna, jakoje pryviało da jaho pamyłkovych dziejańniaŭ», - havorycca ŭ paviedamleńni ministerstva abarony. Jano było apublikavana ŭviečary ŭ sieradu pa vynikach rasśledavańnia krušeńnia Tu-154.
Avijakatastrofa zdaryłasia 25 śniežnia 2016 hoda. Na borcie znachodzilisia 92 čałavieki, u tym liku 65 udzielnikaŭ ansambla pieśni i tanca imia Alaksandrava i kiraŭnik fondu «Spraviadlivaja dapamohu» Lizavieta Hlinka. Artysty nakiroŭvalisia vystupać na rasijskaj vajennaj bazie Chmiejmim u Siryi. Usie, chto znachodziŭsia na borcie zahinuli.
Minabarony ŭ svajoj zajavie pa vynikach rasśledavańnia abviarhaje raniejšyja viersii ab mahčymych pryčynach padzieńnia samalota ŭ Čornaje mora adrazu paśla ŭźlotu z sočynskaha aeradroma, dzie Tu-154 ździejśniŭ pramiežkavuju pasadku.
«Nie ŭstanoŭlena nijakich parušeńniaŭ praviłaŭ zapraŭki samalota palivam u aeraporcie horada Sočy abo ŭździejańnie źniešnich faktaraŭ», - padkreślivajecca ŭ zajavie.
Kamisija taksama nie znajšła parušeńniaŭ centroŭki samalota abo raźmierkavańnia ŭ im pasažyraŭ. Vaha hruzaŭ składała ŭsiaho 152 kh, skazana ŭ zajavie pa vynikach rasśledavańnia.