U Baranavičach sałdat trapiŭ u komu
Sałdat terminovaj słužby vajskovaj čaści ŭ Baranavičach straciŭ prytomnaść i trapiŭ u komu. Pa dadzienym fakcie praviedziena pravierka, paviedamiŭ TUT.BY načalnik upraŭleńnia infarmacyi hałoŭnaha ŭpraŭleńnia ideałahičnaj raboty Ministerstva abarony Uładzimir Makaraŭ.
Incydent z vajskoŭcam adbyŭsia 18 maja. Chłopiec niečakana pavaliŭsia na śpinu i straciŭ prytomnaść. Sałdata špitalizavali ŭ hałoŭny vajenny kliničny miedycynski centr Uzbrojenych Sił Respubliki Biełaruś. Małady čałaviek da hetaha času znachodzicca ŭ komie.
Va ŭpraŭleńni ideałahičnaj pracy Minabarony TUT.BY paćvierdzili infarmacyju ab tym, što adbyłosia.
«Pa dadzienym fakcie praviedziena ŭsiebakovaja pravierka adpaviednymi kampietentnymi dziaržaŭnymi orhanami. Ustanoŭlena, što zachvorvańnie (sałdata terminovaj słužby) nie źviazana z abstavinami prachodžańnia vajskovaj słužby», - paviedamiŭ Uładzimir Makaraŭ.