Pucin zajaviŭ pra rusafobiju, što ŭ niekatorych krainach śvišča cieraz kraj
TASS
U razmovie z kiraŭnikami infarmacyjnych ahienctvaŭ u ramkach Pieciarburhskaha mižnarodnaha ekanamičnaha forumu (PMEF-2017) kiraŭnik Rasii paskardziŭsia na toje, što «ź niekatorych krain rusafobija tak i śvišča cieraz kraj».
Jon vykazaŭ zdahadku, što praciahvacca heta budzie nie biaskonca. «Pavinna pryjści ŭśviedamleńnie, što heta kontrpraduktyŭna i škodzić usim. I nam nanosić peŭny ŭron, ale škodzić i tym, chto inicyjuje hetuju palityku», - skazaŭ Pucin.
Kiraŭnik rasijskaj dziaržavy patłumačyŭ, što rusafobija vyhadnaja tym, chto vystupaje za adnapalarny śviet i sprabuje strymlivać Rasiju ŭ imknieńni adstojvać jaje zakonnyja intaresy. Pry hetym prezident adznačyŭ, što ŭśviedamleńnie kontrpraduktyŭnaści takoj palityki ŭžo prychodzić.
«My całkam sapraŭdy bačym peŭnyja źmieny situacyi, pryčym da lepšaha, spadziajusia, hetaja tendencyja zachavajecca», - skazaŭ Pucin.