U Sankt-Pieciarburhu zatrymali biełarusa, jakoha šukali za spakušeńnie niepaŭnaletniaj
Pavodle źviestak miascovaj palicyi, 23-hadovy małady čałaviek užo znachodziŭsia ŭ miždziaržaŭnym vyšuku za złačynstvy seksualnaha charaktaru na radzimie.
Biełaruskija pravaachoŭnyja orhany šukajuć chłopca sa śniežnia minułaha hoda. Jaho padazrajuć u spakušeńni dziaŭčyny, jakoj jašče nie spoŭniłasia 16 hadoŭ.
Vydańnie «Fontanka» piša, što małady čałaviek rana ranicaj 2 červienia pryciahnuŭ na siabie ŭvahu palicyi na stancyi mietro «Łamanosaŭskim» u Pieciarburhu. Chłopca zatrymali, a infarmacyju pra jaho pieradali pravaachoŭnym orhanam Hrodzienskaj vobłaści.
Partał konkretno.ru taksama paviedamlaje, što ŭ toj samy dzień, ale ŭžo kala 11-j hadzinie na stancyi «Pijanierskaja» ŭ Sankt-Pieciarburhu palicyja zatrymała 43-hadovaha biełarusa, jakoha ad žniŭnia 2016 hoda šukała milicyja Homiela za ŭchileńnie ad vypłaty alimientaŭ.
U hetyja vychodnyja palicyja Sankt-Pieciarburha pieraviedziena na ŭzmocnieny režym niasieńnia słužby z-za praviadzieńnia Mižnarodnaha ekanamičnaha forumu.