Nieviadomyja atakavali ŭ Tehieranie parłamient i maŭzalej Chamiejni
U vyniku napadu paciarpieli 13 čałaviek.
Ahmad Halabisaz, Global Look Press
Jak paviedamlaje ahienctva Fars, niejki mužčyna adkryŭ ahoń pry ŭvachodzie ŭ budynak parłamienta ŭ Tehieranie. Pavodle słoŭ deputata Eljaza Chazraci, usiaho napadnikaŭ było troje ci čaćviora, i jany byli ŭzbrojeny aŭtamatami Kałašnikava i pistaletami.
U vyniku napadu byli paranienyja vosiem čałaviek, siarod jakich bajcy vartavych isłamskaj revalucyi i hramadzianskija asoby, jakija pryjšli ŭ parłamient dla sustrečy z deputatami ad svajho rehijonu. Adzin z bajcoŭ, pa nieaficyjnaj infarmacyi, pamior.
Pavodle adnych źviestak, adzin napadnik byŭ zatrymany, pa inšaj infarmacyi, złačyncy zaniali adzin z kabinietaŭ u parłamiencie.
Karespandent Fars śćviardžaje, što z budynka pa-raniejšamu danosiacca huki strełaŭ.
Druhi napad adnačasova adbyŭsia ŭ maŭzalei imama Chamiejni, dzie dvoje złačyncaŭ adkryli biazładny ahoń pa naviedvalnikach, a treci teraryst padarvaŭ siabie. Pavodle nieaficyjnych dadzienych, u vyniku ataki adzin čałaviek zahinuŭ, piaciora atrymali ranieńni. Ahienctva Tasnim śćviardžaje, što palicyja aryštavała žančynu, jakaja ŭdzielničała ŭ napadzie. Jašče adnaho terarysta ŭziać žyvym nie atrymałasia, pakolki jon prahłynuŭ kapsułu z cyjanistym kalijem. Taksama na miescy zdareńnia byŭ kanfiskavany «pojas šachida».
U suviazi sa zdareńniem u Tehieranie sklikana ekstrannaje pasiadžeńnie nacyjanalnaj rady biaśpieki.