Narod pierachodzić na hruzinskaje na znak salidarnaści z Hruzijaj
U mahazinach Estonii raskuplena ŭsio hruzinskaje vino, paviedamlajuć prybałtyjskija ŚMI.
U kancy minułaha tydnia abjom prodaž hruzinskaha vina Old Tbilisi ŭ estonskich mahazinach Prisma ŭ suviazi z padziejami apošnich dzion u Hruzii vyras u dva razy. U mnohich mahazinach hruzinskaje vino prosta źnikła z palic.
U Łatvii taksama zafiksavali pavieličeńnie popytu 10 i 11 žniŭnia. Tak, u mahazinach sietki Maxima prodaž hruzinskaha vina vyras na 7 %. Pavieličeńnia prodaž nietypovaje dla hetaha pieryjadu hoda, ličać u kampanii. Akramia taho, hruzinskija viny nie ŭvachodziać u katehoryju samych tannych, a ŭ hrupie darahich i siaredniedarahich vin padobnyja vahańni prodaž adbyvajucca davoli redka.
Pradstaŭniki firm-imparcioraŭ hruzinskich vin zaznačajuć, što vytvorčaść u Hruzii z-za vajennych dziejańniaŭ nie spyniena, i zaklikajuć łatyšoŭ padtrymać Hruziju i pavialičyć spažyvańnie hruzinskich vin.
Vino z Hruzii masava pryjšło na ŭschodnieeŭrapiejski rynak u 2006 hodzie, kali ŭ Rasii pačała dziejničać poŭnaja zabarona na ŭvoz viz i vinamateryjałaŭ z Hruzii i Małdovy.