Ekzit-poł: kansiervatary straciać bolšaść u parłamiencie Brytanii
Ekzit-poł pakazvaje, što kansiervatary straciać bolšaść na vybarach u Brytanii. Jany atrymajuć prykładna na 50 mandataŭ bolš, čym lejbarysty, ale mienš za 50%. Rešta deputackich miescaŭ dastaniecca Šatłandskaj nacyjanalnaj partyi, valijskim nacyjanalistam dy libierał-demakratam. Usie hetyja partyi vystupali suprać palityki kansiervataraŭ i suprać Breksita.
Kali vynik vybaraŭ paćvierdzić vyniki ekzit-poła, Tereza Mej, imavierna, sydzie ŭ adstaŭku z pazicyi kiraŭnika kansiervataraŭ, a da kanca hoda mohuć adbycca pieravybary.
Libierał-demakraty i šatłandcy vystupajuć za paŭtorny refierendum nakot vychadu ź ES, a lejbarysty — za vykanańnie vynikaŭ papiaredniaha refierendumu, ale maksimalna miakki razvod i zachavańnie ciesnych suviaziaŭ ź Jeŭrasajuzam.